O libro O imperialismo no século XXI, escrito por Duarte Correa Piñeiro e editado por Tempo Galiza, analiza o mantemento da hexemonía das potencias occidentais a través da OTAN e a militarización da UE, sinalando o seu impacto nos conflitos globais actuais. A obra tamén explora a transformación do capitalismo e a resistencia soberana dos pobos fronte á dependencia financeira, rastrexando as raíces dos principais focos de tensión xeopolítica.
Esta obra aborda unha cuestión imprescindíbel para comprendermos o mundo de hoxe, especialmente nun contexto en que, a cada pouco, novos acontecementos de grande impacto no ámbito internacional nos sobresaltan e deitan por terra certezas que parecían inamovíbeis. Falar hoxe de imperialismo é falar dunha realidade presente que debemos entender para comprender tamén como afecta ou pode afectar a nosa vida cotiá. O libro analiza o imperialismo actual e o papel da OTAN como instrumentos dos Estados Unidos nun momento en que esta potencia tenta soster unha hexemonía en declive. Examina, ademais, a chamada autonomía estratéxica da Unión Europea e o aumento do gasto militar, revelando o que se oculta tras estes discursos. Aliás, busca desmontar mitos e abrir o ollar a outras realidades de que case non se fala, en que diferentes países tecen alianzas para construír relacións internacionais baseadas no diálogo e na cooperación, frente á lóxica da imposición. Unha obra que cuestiona a idea de que vivimos no mellor doa mundos posíbeis e defende que, hoxe máis que nunca, a alternativa ao imperialismo pasa pola defensa da soberanía dos pobos.
CRÍTICA ESPECIALIZADA
A crítica especializada e os sectores culturais galegos destacan que O imperialismo no século XXI é unha obra imprescindible e de grande utilidade para comprender o escenario xeopolítico actual.
Os analistas, medios coma o Nós Diario e diversas asociacións culturais galegas salientan os seguintes puntos sobre o ensaio;
Ruptura de mitos: Valórase positivamente como o autor desmonta a idea de que oimperialismo é un concepto do pasado, demostrando que segue a ser unha fase activa e vixente do sistema capitalista moderno.
- Enfoque didáctico e clarificador: Saliéntase a capacidade de Duarte Correa para ligar os grandes conflitos internacionais e as estratexias da OTAN co impacto directo que teñen na vida cotiá das persoas.
- Cuestionamento do eurocentrismo: A crítica destaca positivamente a análise que o libro fai do eurocentrismo como o substrato intelectual que xustifica o fenómeno imperialista.
- Defensa da soberanía: Recíbelllo como unha sólida proposta teórica que pon o nacionalismo e a soberanía dos pobos como a antítese e a principal ferramenta de resistencia fronte á dependencia financeira.
O AUTOR
Duarte Correa Piñeiro
Diplomado en Maxisterio e Licenciado en Xeografía e Historia pola USC. Profesor de Ensino Secundario.
Foi Secretario de zona de Vigo e membro da Dirección Nacional de ERGA ademais de representante dos CAF no Claustro da USC e na Xunta da Escola de Maxisterio de Pontevedra. Membro fundador de Galiza Nova.
Responsábel Comarcal do BNG do Salnés do 1998 ao 2009, integrando neste momento o Consello Comarcal.
Foi membro da Executiva Federal da CIG-ENSINO coas responsabilidades de Relacíons Institucionais e Internacionais, formando parte ademais do Consello Confederal da CIG.
Ten participado en representación do nacionalismo galego en diversos congresos, encontros e seminarios internacionais en países de Europa e América Latina.
É Secretario de Relacións Internacionais da UPG.
Coautor dos libros “ERGA. Un lume que prendeu” (1997) e “Galiza/Poboación e Industria” (2006). Colabora en diversos medios dixitais con artigos fundamentalmente referidos a cuestións internacionais.
___
Editorial: TEMPO GALIZA 02-2026
Idioma: Galego
Páxinas: 166
POLÍTICA
ECONOMÍA
IMPERIALISMO